🇹🇼人氣台式厚切吐司新登場🍞
-
台灣呢間主打台式厚多士嘅專賣店係香港最近開設第一間分店！位置比較接近佐敦，如果由尖沙咀個邊行會幾吃力。店內提供11款鹹甜口味吐司 及 原味造型白吐司配不同口味嘅奶酥醬，等大家係屋企可以自行烘熱享用🥰 當日平日夜晚6點幾去到，比夠受歡迎嘅口味包括 珍珠鮮奶，抹茶紅豆奶酥 等都賣哂🥲 都係個句，要食襯早
-
芝麻奶油 ($46) 面層塗上黑芝麻醬，再唧上忌廉，旁邊仲有啲餅乾碎。芝麻味非常香濃帶少少起沙嘅感覺，而吐司新鮮烘起，內裏濕潤軟熟，少少煙韌感，似食生吐司嘅口感！帶輕微奶香同麵粉單純嘅香氣，✨ 配埋lotus焦糖餅乾，增添一下口感！
*
三層芋泥肉鬆起司 ($50) 話明三層芋泥，出到嚟果然夠厚，入口綿密，芋頭味正常，加埋帶鹹香嘅肉鬆同經過炙燒嘅芝士，滿滿嘅台式風味！
-
由於店內比較狹小，得一個容納到三人左右嘅bar枱仔，所以要預左有機會要攞出去食，有啲呢hea😰 吐司依啲要襯熱食嘅嘢冇得係店內享用真係幾冇癮
*
厚厚一片 (佐敦)
佐敦柯士甸道144號地下D號舖
Search